Reviews and Comments on «Թաւրիզից Ստալինեան ԳՈՒԼԱԳ, Ընդհատուած Պատմութիւն»
Reviews:
Ս․Ա․Յ․ (Դոքտ. Սիմա Աբրահամեան Յովհաննիսեան), «Ռուբինա Փիրումեան Մինասեանի եւ Բաղդիկ Մինասեանի «Թաւրիզից Ստալինեան Գուլագ․ ընդհատուած պատմութիւն» հատորը», Հորիզոն Գրական, Փետրուար 19, 2020
(click here to download pdf)
Լ․Մ․ «Գիրքերու հետ», Նոր Յառաջ, Օգոստոս 12, 2022
Comments:
«․․․․Գործ ունենք հազուդէպ հանդիպող մօտեցման հետ՝ երբ ո՛չ թէ առանձին մարդու կենսագրութեան միջոցով են փորձում լրացնել պատմութեան բացակայող դրուագները, այլ հակառակը՝ ընսհանուր պատմութեան միջոցով փորձում են վերականգնել առաբձին անհատի կորսուած յուշերը․․․
․․․․
Գիրքը կարելի է համարել բանաւոր պատմութեան լաւագոյն օրինակներից, քանի որ այն լուծում է ժանրի կարեւորագոյն խնդիրը՝ ընդհանուր դասագրքային դարձած պատմութեանը հակադրւում է այլընտրանքային հայեացք, որ խախտում է կարծրատիպային պատկերն ու ստիպում իւրովի կամ տակաւին այլ տեսանկիւնից գնահատել յայտնի իրադարձութիւնները»։
Գայեանէ Շագոյեան
ՀՀ ԳԱԱ ՀԱԻ արդիականութեան ազգաբանութեան բաժնի առաջատար գիտաշխատող
«Ռուբինա Փիրումեանի աշխատանքը աչքի է ըբկնում մի շարք իւրայատկութիւններով։ Զուտ մարդկային առումով այն տուրք է հօր՝ Բաղդիկ Մինասեանի յիշատակին։ Զուր մասնագիտական առումով՝ յաջողած փորձ է մէկ անհատի կենսագրութեան տարբեր դրուագներ լայն համատեկստում վերլուծելու ճանապարհով՝ ներկայացնել ստալինեան ժամանակաշրջանի իրական պատկերը։ Կարեւորւում է նաեւ այն որ ցոյց է տրւում ստալինեան գործելակերպի առանձնայատկութիւնները ԽՍՀՄ տարածքից դուրս՝ հարեւան պետութեան ներքին գործերին անթաքոյց ձեւով խառնուելը, այդ պետութեան քաղաքացիներին առեւանգելը, առանց դատ ու դատաստաբի հաշուեյարդար տեսնելը։
․․․․․
Հետազօտող Ռուբինա Փիրունեանը իր գործում յաջողել է նաեւ այն պատճառով, որ մէկ այլ զանգուածային բռնութեան՝ Հայոց Ցեղասպանութեան փայլուն մասնագէտ է»։
Յարութիւն Մարութեան
ՀՀ ԳԱԱ Հնագիտութեան եւ ազգագրութեան Ինստիտուտի
Գլխաւոր գիտաշխատող
Պատմ․ գիտ. դոկտոր
«Ռուբինա Փիրումեանի աշխատութիւնը արժէքաւոր է մի քանի առումներով։ Նախեւառաջ լեզուի պարզութեան շնորհիւ տեքստը շատ ընթեռնելի է։ Շարադրանքի ոճը, զգացումնայինն ու անկեղծութիւնը, ընթերցողի հետ անմիջական հաղորդակցութիւնը ստեղծում է «միջավայր» ապրումակցուելու հեղինակի հետ։ ․․․․ Ոճային առումով գրաւիչ է նաեւ ժամանակի մէջ իրադարձութիւնների թռիչքաձեւ ներկայացումը ժամանակագրական խախտումների միջոցով»։
Յասմիկ Գրիգորեան
ՀՀ ԳԱԱ Հնագիտութեան Ազգագրութեան Ինստիտուտի դասախօս, գիտաշխատող